Volodin: Rusiyanın dərinliklərinə zərbə endirmək icazəsi NATO-nun Rusiya Federasiyasına qarşı vuruşduğunu təsdiqləyir.
Elchi.az xəbər verir ki, ABŞ və müttəfiqlərinin Ukraynada Rusiyaya qarşı Qərb dövlətlərinin uzaqmənzilli silahlarından istifadə etməyə icazə verməsi NATO-nun Rusiya Federasiyasına qarşı mübarizə apardığını bir daha təsdiqləyir. Bu barədə Dövlət Dumasının sədri Vyaçeslav Volodin özünün Telegram kanalında bildirib.
“Hərbi mütəxəssislərinin iştirakı olmadan və peyk məlumatları olmadan silahlar hədəfə yönəldilə və işə salına bilməz”, o yazıb.
Volodin vurğulayıb ki, ABŞ və Avropa ölkələrinin Rusiyaya hücum etmək üçün raketlərdən istifadə etdiyi bir şəraitdə Rusiya tərəfinin “silahını bizə hücum edən dövlətlərin hərbi obyektlərinə qarşı istifadə etmək” hüququ var.
O əlavə edib ki, Ağ Ev rəhbəri Co Baydenin qərarları qloballaşma təhlükəsi yaradan eskalasiyaya gətirib çıxarır, lakin Rusiya Federasiyası hadisələrin istənilən inkişafına hazırdır.
“Geçmiş Bayden vəziyyəti qəsdən çətinləşdirir. O, hegemonluğun qalıqlarını itirməmək üçün hər şeyi edir”, – Dövlət Dumasının sədri əlavə edib.
Noyabrın 21-də Rusiya prezidenti Vladimir Putin ruslara, dost ölkələrə və düşmənlərə müraciəti zamanı Dneprdəki müdafiə müəssisəsinə “Oreşnik” ballistik raketi ilə zərbə endirdiyini elan edib.
Şayəstə Hüseynova
