Lionel Messi PSJ ilə hərtərəfli anlaşıb.
Alp.az xəbər verir ki, bu iddia ilə italiyalı jurnalist Fabritsio Romano çıxış edib.
Onun sözlərinə görə, “Barselona”dan ayrılan 34 yaşlı superulduz Paris təmsilçisi ilə 2+1 illik müqaviləni razılaşdırıb.
Argentina millisinin kapitanının illik məvacibi 35 milyon avro təşkil edəcək. Futbolçunun yaxın saatlarda Parisə yollanması gözlənilir.
Qeyd edək ki, Messi “Barselona” ilə müqavilə müddəti bitdiyi üçün PSJ-yə azad agent kimi keçir.
