Əfqanıstan administrasiyası ABŞ administrasiyasının 2021-ci ildə Əfqanıstandan çıxarılmasından sonra tərk etdiyi hərbi texnikanın çatdırılmayacağını bəyan edib.
Elchi.az xəbər verir ki, bu barədə Əfqanıstanın müvəqqəti hökumətinin Xarici İşlər Nazirliyinin sözçüsü Abdulkahhar Belhi ABŞ-ın ölkədəki texnikası ilə bağlı “CBS News”a açıqlama verib.
Sözügedən avadanlığın ABŞ-a təhvil verilməyəcəyini bildirən Belhi, “Dövlətlər varlıqlarından əl çəkmirlər”,-deyə qeyd edib.
Digər tərəfdən, Belhi, administrasiyanın ABŞ da daxil olmaqla Əfqanıstanın mədən sektoruna sərmayə qoymaq istəyən ölkələrə açıq olduğuna diqqət çəkdi.
Əfqan administrasiyası martın əvvəlində bu texnikanı “müharibə qəniməti” kimi qiymətləndirib.
Tramp Əfqanıstanda qalan avadanlıqları geri almaq istəyib
ABŞ administrasiyası geridə yüzlərlə ABŞ vətəndaşını, milyonlarla dollarlıq texnika və silahı və ABŞ ilə işləyən minlərlə əfqanı buraxaraq, geri çəkilmə prosesini 31 avqust 2021-ci ildə tamamladı.
Yenidən vəzifəyə gəldikdən sonra Nazirlər Kabinetinin ilk iclasında çıxış edən ABŞ prezidenti Donald Tramp, “Milyardlarla, hətta on milyardlarla dollar dəyərində avadanlıq və yeni yük maşınlarını geridə qoyduq” dedi. Dedi ki, texnikanı geri götürsünlər.
Tramp Əfqanıstanın ABŞ istehsalı olan avadanlıqları satdığını da bildirib.
Yeganə
