ABŞ-ın süni intellekt şirkəti “OpenAI”in 300 milyard dollar dəyərində 40 milyard dollar vəsait topladığı bildirilir.
Elchi.az xəbər verir ki, ChatGPT süni intellekt alətinin yaradıcısı “OpenAI” süni intellektin (AI-YZ) gələcək inkişafı üçün 300 milyard dollar dəyərində 40 milyard dollar yeni maliyyə vəsaiti əldə edib.
Beləliklə, OpenAI 2024-cü ilin oktyabrında 157 milyard dollar dəyərində 6,6 milyard dollar topladığı əvvəlki maliyyələşdirmə dövriyyəsinin dəyərini iki dəfə artırdı. Eyni zamanda, 40 milyard ABŞ dolları məbləğində yeni maliyyələşdirmə rekord səviyyəyə çatmış ən böyük özəl texnoloji maliyyələşdirmə mərhələsidir.
300 milyard dollarlıq qiymətləndirmə OpenAI-ni dünyanın ən yüksək qiymətli özəl şirkətləri sırasına qoyur.
ABŞ mətbuatında yer alan xəbərlərə görə, maliyyələşdirmə raunduna vençur kapitalı firması texnologiya investoru SoftBank rəhbərlik edib. Microsoft, aktiv menecerləri Coatue, Altimeter və Thrive da investorlar arasında idi.
Süni intellekt sahəsində texnoloji liderlik uğrunda bir çox şirkətlərlə, xüsusən də ABŞ və Çindən olan şirkətlərlə rəqabət aparan OpenAI, yanvarın 22-də süni intellekt infrastrukturunun inkişafı üçün “Ulduz qapısı” adlı özəl sektorun 500 milyard dollarlıq investisiya layihəsində də iştirak edəcək.
Nuranə Məmmədova
