ABŞ-ın Kornell Universitetinin tədqiqatçıları Ceyms Uebb Kosmik Teleskopundan istifadə edərək ekzoplanetlərdə suyun axtarışı üçün yeni üsul hazırlayıblar.
Elchi.az xəbər verir ki, Alimlər Yerin isti mantiyasında baş verən kimyəvi prosesləri tədqiq edərək bazalt əsaslı spektral kitabxana yaradırlar. Bu üsul günəşdənkənar planetlərin səthinin tərkibini müəyyən etməyə kömək edə bilər və bu planetlərdə su olub-olmadığını sübut edə bilər.
Kornel Universitetinin mühəndislik professoru Esteban Gazel bazaltın geoloji tarixin mühüm qeydi olduğunu vurğulayaraq, “Bazalt Yerin mantiyası əriyəndə əmələ gəlir” dedi.
“Mars mantiyası əriyəndə bazalt əmələ gəldi” dedi Gazel. “Ayın səthi əsasən bazaltdan ibarətdir” dedi. “Buna görə də biz Ceyms Uebb Kosmik Teleskopunun (JWST) məlumatları ilə Yerdəki bazaltları təhlil edərək ekzoplanetlərin strukturunu anlamağa çalışırıq”.
Ekzoplanetlərdə su izləri necə aşkar ediləcək?
Bazaltik lava səthə çatarsa və ekzoplanetdə soyuyarsa, qaya halına gəlir. Planetdə su varsa, bu bazalt süxurları yeni minerallar əmələ gətirmək üçün su ilə qarşılıqlı əlaqədə ola bilər.
Bu minerallara amfibol (nəmlənmiş silikat) və serpantin (ilan dərisinə bənzəyən başqa nəmlənmiş silikat) daxildir. Bazalt nümunələrindəki kiçik spektral fərqləri tədqiq etməklə alimlər ekzoplanetin səthində və ya daxilində suyun olub olmadığını müəyyən edə bilərlər.
Şayəstə Hüseynova
