ABŞ prezidenti Donald Trampın Ağ Evdə İsrail Baş naziri Binyamin Netanyahu ilə görüşündə prezident Rəcəb Tayyib Ərdoğanı tərifləməsi dünya mətbuatında yer alıb.
Elchi.az xəbər verir ki, Trampın Ağ Evdə Netanyahu ilə görüşündə Türkiyə və Prezident Ərdoğanı tərifləməsi dünya mediasında bir çox kanal və qəzetdə yer alıb.
İngiltərədəki BBC məsələ ilə bağlı hadisələri belə xəbər verib: “Tramp Türkiyə prezidenti ilə işləyə biləcəyinə əmindir”.
Böyük Britaniyada yerləşən Middle East Eye xəbər saytı da “Tramp Netanyahu ilə ABŞ və İran arasında birbaşa danışıqları açıqladı” başlığı ilə Trampın Ərdoğan və Türkiyəni təriflədiyini bildirib. O, hesabatında Ərdoğanı çox bəyəndiyini yazıb.
CNBC saytı görüşdən belə xəbər verib: “Oval kabinetdə Netanyahu ilə görüşən Tramp ondan Türkiyə ilə fikir ayrılıqlarında “ağıllı” olmasını istəyib. Ən yaxın müttəfiqlərindən biri ilə yanaşı danışan Tramp Türkiyə prezidenti Rəcəb Tayyib Ərdoğanla münasibətlərini yüksək qiymətləndirib və iki ölkə arasında vasitəçi olmaq üçün könüllü olub”.
ABŞ-da yerləşən Axios xəbər portalı “Tramp Türkiyədə “çox ağıllı” və güclü bir insan olan Ərdoğanı tərifləyib” xəbərini verib. başlığından istifadə etmişdir.
“Times of Israel” qəzeti “Tramp İsraillə Türkiyə arasında vasitəçilik edə biləcəyini və Ərdoğanla çox yaxşı münasibətdə olduğunu söylədi” şəklində yazıb.
“İsrail Hayom” qəzeti məsələ ilə bağlı “Türkiyəyə gəlincə, Tramp Türkiyə lideri ilə şəxsi əlaqələri sayəsində Suriya ilə bağlı ölkələr arasında problemləri həll edə biləcəyini iddia edərək, prezident Rəcəb Tayyib Ərdoğanı tərifləməkdən başqa bir şey olmadığını söylədi” şəklində yazıb.
Nuranə Məmmədova
