Böyük Britaniya Avropadan qayıdan turistlərə özləri ilə ət və süd məhsulları gətirməyi qadağan edib. Yeni siyasət minlərlə Britaniya vətəndaşının Pasxa bayramları üçün xaricə səyahətə hazırlaşdığı bir vaxtda qüvvəyə minir. Qərarın səbəbi dabaq xəstəliyindən qorxmasıdır.
Elchi.az xəbər verir ki, Britaniya hökumətinin qərarına əsasən, Böyük Britaniyaya qayıdan sərnişinlər bundan sonra özləri ilə mal, donuz, quzu, geyik və keçi əti və ya süd məhsulları daşıya bilməyəcəklər.
Yeni qaydalar hətta kiçik miqdarda yemək hədiyyələrini, məsələn, Fransadan pendir və ya Almaniyadan gələn kolbasaları əhatə edir.
Kənd təsərrüfatı naziri Daniel Zayxner deyib: “Bu hökumət Britaniya fermerlərini dabaq xəstəliyindən qorumaq üçün əlindən gələni edəcək.
“Şəxsi ət və süd məhsulları idxalına qoyulan yeni məhdudiyyətlərlə biz xəstəliyin yayılmasının qarşısını almağı və ərzaq təhlükəsizliyimizi qorumağı hədəfləyirik” deyib.
Qanunu pozanlar üçün 5000 funt sterlinqə qədər cərimələr
Bu sxemə əsasən, bəyan edilməmiş hər hansı ət və ya süd məhsulları Böyük Britaniyanın sərhəd təhlükəsizlik qrupları tərəfindən müsadirə olunacaq və məhv ediləcək. Qaydaları pozan sərnişinlər 5000 funt-sterlinqə qədər cərimə və ya qanuni tədbirlərlə üzləşə bilər.
Hökumət X sosial media platformasında verdiyi açıqlamada qərarın Brexit ilə deyil, Avropa qitəsində artan dabaq xəstəliyi ilə bağlı olduğunu bildirib. Hazırda İngiltərədə heç bir hadisə yoxdur.
Pasxa bayramı zamanı yüz minlərlə turist yollarda olacaq
Pasxa tətilində yüz minlərlə Britaniya vətəndaşının Avropaya səyahət edəcəyi gözlənilir. Pasxa cümə günü səhər yalnız Dover limanından xaricə 5500-ə yaxın nəqliyyat vasitəsinin daşınacağı təxmin edilir. Təyyarə ilə səyahət edənlər üçün ümumilikdə 11 mindən çox uçuş planlaşdırılıb.
Baytarlıq müqaviləsi üçün sorğu
Liberal demokrat deputat Caroline Voaden hökuməti Aİ ilə baytarlıq sazişi imzalamadığına görə tənqid edib.
“Bu qadağalar uzunmüddətli biotəhlükəsizliyi təmin etmir. Aİ ilə hərtərəfli baytarlıq sazişi təcili olaraq lazımdır” Voaden deyib.
Yeni tənzimləmə Brexitdən sonra Böyük Britaniya və Aİ arasında yaşanan səyahət problemlərinə yenisini əlavə edib.
Şayəstə Hüseynova
