ABŞ prezidenti Donald Tramp ikinci müddətində ilk tibbi müayinədən keçib. İmtahan həmçinin koqnitiv testi də əhatə edirdi. “Bütün cavabları düzgün aldığımdan başqa sizə nə deyəcəyimi bilmirəm” Tramp deyib.
Elchi.az xəbər verir ki, ABŞ prezidenti Donald Tramp Valter Rid Milli Hərbi Tibb Mərkəzində 4 saatlıq müayinədən keçib. Tramp hazırkı prezidentliyinin ilk tibbi imtahanının sonunda koqnitiv testdən keçdiyini bildirib.
Prezidentin səhhəti ilə bağlı son müfəssəl hesabat 2018-ci ildə dərc edilib.
New York Times ABŞ seçkilərindən əvvəl yazmışdı ki, yeni məlumatların olmaması tibb mütəxəssislərini narahat edir, çünki Trampın yaşındakı insanların səhhətində ciddi problemlər ola bilər. Mütəxəssislər yaşla əlaqədar ürək xəstəliyi və idrak qabiliyyətinin zəifləmə riskini qeyd ediblər.
“BÜTÜN CAVABLARI DÜZGÜN BİLDİM”
Tramp dünən ikinci dövrünün ilk tibbi müayinəsindən keçdi. O, jurnalistlərə bildirib ki, aparılan analizlər arasında koqnitiv müayinə də var və həkimləri yaxın günlərdə nəticələrlə bağlı hesabat təqdim edəcəklər.
“Mən koqnitiv testdən keçdim. Bütün cavabları düzgün aldığımdan başqa sizə nə deyəcəyimi bilmirəm. Ürəklə bağlı bir çox müxtəlif testlərdən keçdim”, – Tramp deyib.
ABC News-un məlumatına görə, Ağ Evin mətbuat katibi Caroline Leavitt son fiziki testin nəticələrinin ən qısa zamanda açıqlanacağını bildirib.
ABŞ PREZİDENTLƏRİ SAĞLAMLIQ PROBLEMLƏRİNİ GİZLƏDİRİR
NTV-nin verdiyi məlumata görə, ABŞ-da prezidentlər tibbi sənədlərini açıqlamalıdırlar. Həm də sağlamlıq problemlərini gizlətmək üçün uzun bir tarixə sahibdirlər.
Son illərdə səhhəti ilə bağlı məlumatı açıq şəkildə bildirməyən 78 yaşlı Tramp ikinci müddətə prezidentliyə daxil olan ən yaşlı prezidentdir.
Onun sələfi Co Bayden ilk müddətinə eyni yaşda başlamış və vəzifədə olarkən nəzərəçarpacaq dərəcədə yavaşlamışdı.
Trampın 2018-ci ildə Ağ Evdə keçirdiyi ilk yoxlamanın bir hissəsi koqnitiv test idi. Tramp daha sonra bu sınaqda necə “uğur qazandığını” təsvir edib.
Test Baydenin 2024 seçki bülleteninin bir hissəsi deyildi. Bayden keçən yay Trampla debatda çətinlik çəkdi və nəticədə prezidentlik yarışından çıxıb.
Şayəstə Hüseynova
