Avropa İttifaqının (Aİ) Xarici İşlər və Təhlükəsizlik Siyasəti üzrə Ali Nümayəndəsi Josep Borrell Qəzza zolağında davam edən insan haqları və beynəlxalq hüquq pozuntularına görə İsraillə siyasi dialoqun dayandırılması təklifinin bütün üzv dövlətlər tərəfindən qəbul edilmədiyini bildirib.
Elchi.az xəbər verir ki, iyun ayında keçirilən seçkilərdən sonra vəzifəsini Estoniyanın keçmiş baş naziri Kaja Kallasa təhvil verməyə hazırlaşan Borrell qatıldığı son Xarici İşlər Nazirləri Toplantısından sonra mətbuat konfransı keçirib.
Qəzza zolağında davam edən humanitar vəziyyətə işarə edən Borrell, “Qəzzədə apokaliptik bir vəziyyət var. İtkin düşənlərin 70 faizi uşaq və qadınlardır. Livanda 100 min ev dağıdılıb, Qəzzada 2 milyon insan zolağın bir başından digər ucuna köçüb. Qəzzada ən çox itkin düşənlər yaşı 5-dir. “Bu, uşaqlara qarşı müharibədir” deyib.
Bu səbəbdən AB-İsrail Assosiasiya Sazişi çərçivəsində siyasi dialoqun dayandırılması ilə bağlı xarici işlər nazirlərinə təklifinin qəbul edilmədiyini açıqlayan Borrell əlavə edib: “Üzv dövlətlərin əksəriyyəti İsraillə diplomatik və siyasi münasibətləri davam etdirməyin daha yaxşı olacağını düşündüklərini bildirdilər”.
Jurnalistin Qəzzada davam edən soyqırıma baxmayaraq üzv dövlətlərin niyə razılığa gələ bilmədiyi və bəzi ölkələrin bu təklifə niyə qarşı çıxdığı sualına Borrell belə cavab verib:
“Tarix hamımızı, hamımızı mühakimə edəcək. Mən etməli olduğumu düşündüyüm şeyi etdim. Düzgün hesab etdiyim bir təkliflə gəldim, lakin üzv dövlətlər Ali Nümayəndənin verdiyi təklifləri təsdiqləməyə borclu deyillər və bu gün təklifimi bəyənmədilər”.
Digər tərəfdən, 2012-ci ildə yaşanan qarşıdurmalara görə İsraillə tərəfdaşlıq şurası iclaslarının dayandırıldığını xatırladan Borrell, bu vəziyyətin son 10 ildə yenidən başlamasına qədər heç bir üzv dövlət tərəfindən problem olaraq gündəmə gətirilmədiyinə diqqət çəkib.
Şayəstə Hüseynova
