Avstraliyanın Kvinslend əyalətindəki bir məktəbdə illərdir diqqətdən kənarda qalan qaya parçasının üzərində 66 fosilləşmiş dinozavr ayaq izləri aşkar edilib.
Elchi.az xəbər verir ki, Kvinslend ştatının Banana kənd qəsəbəsindəki bir məktəb girişində nümayiş etdirilən üç barmaqlı ayaq izləri olan daş daşını araşdırmaq üçün paleontoloq Entoni Romilio ilə əlaqə saxlayıb. Təhlillər nəticəsində məlum olub ki, qayada təxminən 200 milyon il əvvəl erkən Yura dövrünə aid onlarla dinozavr ayaq izləri var.
Kvinslend Universitetindən Romilio, tapıntının Avstraliyada indiyə qədər sənədləşdirilmiş ən geniş dinozavr izi kolleksiyalarından biri olduğunu söylədi və əlavə etdi: “Bu fosil dinozavrların sayı, hərəkətləri və davranışları ilə bağlı unikal mənzərə təqdim edir. “O dövrə aid fosilləşmiş dinozavr sümüklərinin olmadığını nəzərə alsaq, bu tapıntı daha da əhəmiyyət kəsb edir” dedi.
Kömürçülər tapdı, məktəb sərgilədi
Sözügedən qaya 2002-ci ildə kömür mədənçiləri tərəfindən tapılıb. Üzərindəki qeyri-adi izləri görən mədənçilər qalığı Kvinslend ştatının kiçik bir şəhəri olan Biloeladakı məktəbə hədiyyə ediblər. Qaya məktəbin giriş hissəsində nümayiş etdirilsə də, onun əsl dəyəri illərdir dərk olunmayıb.
Romilio, araşdırma prosesi zamanı məktəbdəki bəzi müəllimlərin bu qayanın sadəcə bir replika olduğunu düşündüyünü və “Hər kəs bunun bir dinozavr izi olduğunu bilirdi, lakin bir tədqiqatçının görə biləcəyi detalları fərq etmədilər” dedi.
Şayəstə Hüseynova
