ABŞ-da keçmiş prezident Donald Trampa qarşı 2020-ci il prezident seçkilərinin nəticələrini öz xeyrinə dəyişməyə cəhd etdiyi iddiası ilə yeni işlənmiş federal ittiham aktı hazırlanıb.
Elchi.az xəbər verir ki, ABŞ mətbuatında yer alan xəbərlərə görə, prezident seçkilərinin yaxınlaşdığı ölkədə Trampa qarşı açılan işlərlə bağlı hüquqi proseslər və müzakirələr davam edir.
Xüsusi prokuror Cek Smit tərəfindən hazırlanan yeni düzəliş edilmiş ittihamnamədə əvvəllər Trampa qarşı irəli sürülən dörd ittiham da yer alıb. Bununla belə, Ali Məhkəmənin “dövlət başçısının rəsmi aktı” kimi qiymətləndirə biləcəyi hissələr çıxarılmaqla ittiham aktı nisbətən ixtisar edilib.
Digər tərəfdən, yeni ittihamnamədə Trampın vəzifədə olan prezident kimi deyil, siyasi namizəd kimi fəaliyyətinə diqqət yetirilib.
Bu addım Ali Məhkəmənin keçən ay Trampın rəsmi hərəkətlərinə görə təqibdən müəyyən dərəcədə toxunulmazlıq hüququna malik olduğuna, lakin namizəd kimi etdiyi hərəkətlərə görə toxunulmazlığa malik olmadığına dair qərarından sonra atılıb.
Xüsusi müşavir Smit Trampı 2020-ci il prezident seçkilərinə cinayət müdaxiləsinə görə mühakimə edərkən, keçmiş prezidentin hüquq qrupu prezidentin toxunulmazlığını iddia edərək seçkiyə müdaxilə işini rədd etməyə çalışırdı.
İyulun 1-də ABŞ Ali Məhkəməsi Trampın yanvarın 6-da Konqres reydisindəki roluna və 2020-ci il prezident seçkilərinə müdaxilə iddialarına görə “bəzi məsələlərdə toxunulmazlığa” malik olduğuna qərar verib.
Məhkəmə 6 əleyhinə 3 səslə qərara alıb ki, sabiq prezidentin öz rəsmi hərəkətlərinə görə təqib olunmaq hüququ var, lakin bu toxunulmazlıq onun şəxsi davranışına şamil edilmir.
Şayəstə Hüseynova
