Birləşmiş Millətlər Təşkilatının (BMT) Baş katibi Antonio Guterres, “UN80 Təşəbbüsü” ilə bağlı işçi heyətinə yazdığı məktubda, likvidlik böhranı ilə yanaşı, çoxtərəfliliyin strukturu, dəyərləri, prinsipləri və davamlılığı üçün təhlükələrlə üzləşdiklərini söylədi.
Elchi.az xəbər verir ki, Quterreş BMT-yə üzv dövlətlərlə qeyri-rəsmi görüşləri ilə bağlı BMT əməkdaşlarına məktub göndərib.
AA-nın əldə etdiyi daxili memorandumda Quterreş dünyanın “qarışıqlıq, eyni zamanda dərin fürsət və öhdəliklər dövrü” yaşadığına diqqət çəkərək, “Qarşılaşdığımız likvidlik böhranı yeni deyil. Amma indi çoxtərəfliliyin strukturu, dəyərləri, prinsipləri və davamlılığı üçün real təhlükələrlə üzləşirik” dedi.
Bu kontekstdə Quterreş mart ayında elan etdiyi “UN80 Təşəbbüsü”nə işarə edərək, BMT-nin üzləşdiyi maliyyə problemlərinin resursların istifadəsi ilə bağlı cəsarətli və transformativ düşüncə tələb etdiyini vurğuladı.
Bu kontekstdə Quterreş təşəbbüsün daha az xərclə yüksək xərcli fəaliyyət və tapşırıqları yerinə yetirmək məqsədi daşıdığını və BMT-nin missiyasında səmərəliliyin artırılması üçün “çətin qərarların qəbul edilməsinin lazım olacağını” bildirib.
“Resursların azalması ilə bütün vəzifələri olduğu kimi qoya bilməyəcəyimiz qaçınılmaz olacaq. Bununla belə, lazımi dəyişiklikləri edərkən heyətin maraqlarını ciddiyə alacağıq”, – Quterreş bildirib.
Şayəstə Hüseynova
