Türkiyənin xarici işlər naziri Hakan Fidan, “NATO ittifaqında ikinci böyük orduya sahib olan Türkiyə, Avropanın təhlükəsizlik arxitekturasında çox mühüm rol oynamağa davam edəcək” – deyib.
Elchi.az xəbər verir ki, Fidan Antalyadakı NEST Konqres Mərkəzində keçirilən NATO Xarici İşlər Nazirlərinin qeyri-rəsmi toplantısından sonra mətbuat konfransı keçirib.
Fidan Antalyada aparılan danışıqların NATO-nun Avro-Atlantik təhlükəsizlik arxitekturasında aparıcı rolunun təsdiqləndiyini və Avropanın təhlükəsizliyinin NATO-dan ayrı düşünülə bilməyəcəyini bildirib.
Nazir Fidan “NATO ittifaqında ikinci ən böyük orduya sahib olan Türkiyə, hərbi imkanları və müdafiə sənayesi infrastrukturu ilə Avropanın təhlükəsizlik arxitekturasında son dərəcə əhəmiyyətli rol oynamağa davam edəcək” deyə, bu arxitekturanın mövcud şərtlərə uyğun olaraq yenidən formalaşdırıldığını bildirib.
Fidan görüşlərdə və ikitərəfli danışıqlarda bu məsələləri gündəmə gətirdiklərini qeyd edərək, “Belə bir dövrdə gözləntimiz təhlükəsizlik sahəsində bütün addımların gərəksiz təkrarlara, NATO-dan ayrılma və ayrılmalara yol vermədən atılmasıdır”.
Nuranə Məmmədova
