Ukrayna Silahlı Qüvvələri (SQ) FPV-dronları vasitəsilə Xerson vilayətinin Alyoşki şəhərindəki bazara kütləvi zərbə endirib, yeddi nəfər ölüb, 20-dən çox insan yaralanıb.
Elchi.az – ın Rusiya KİV-lərinə istinadən verdiyi məlumata görə, bu barədə regionun Rusiya nəzarətində olan hissəsinin başçısı Vladimir Saldo bildirib.
“Moskva vaxtı ilə təxminən 09:30-da Alyoşkidə mərkəzi bazar ərazisinə Ukrayna Silahlı Qüvvələri FPV dronları ilə kütləvi zərbə endirib. İlkin məlumatlara görə, azı 7 nəfər həlak olub, 20-dən çox insan yaralanıb”, – o qeyd edib.
Hadisənin təfərrüatları dəqiqləşdirilir.
