ABŞ-da tez-tez rast gəlinən quş qripi epidemiyası səbəbiylə fermalarda milyonlarla toyuqun kəsilməsi yumurta istehsalına mənfi təsir göstərmiş və qiymətləri də artırmışdır.
Elchi.az xəbər verir ki, ölkədə quş qripi epidemiyası səbəbindən yumurta tədarükü zəncirində yaranan problemlər nəticəsində Nyu-York və ətraf bazarlar müştərilərin yumurta alışını məhdudlaşdırıb, bəzi satış nöqtələrində onlarla yumurtanın qiyməti 10 dollara çatıb.
Nyu-Yorkda bəzi əyalətlərdə canlı quş bazarları quş qripinin qarşısını almaq üçün müvəqqəti olaraq bağlandı və bəzi ərzaq mağazaları yumurta keçidlərində müştərinin maksimum üç karton yumurta ala biləcəyini bildirən xəbərdarlıq bildirişləri yerləşdirdi.
Toyuq məhsullarının saxlandığı rəflərin çoxunun boş olduğu müşahidə edilərkən, bəzi market rəhbərləri tərəfindən asılmış xəbərdarlıq bildirişlərində quş qripi səbəbiylə “sağlamlıq standartlarına uyğun yumurta tapmaqda çətinlik çəkdikləri” ifadə edildi.
ABŞ-da bəzi yumurta istehsalçıları və təsərrüfat heyvanları istehsalçıları birliklərinin verdiyi açıqlamalarda yüksək patogenli quş qripinin (HPAI) yayılması səbəbindən hər ay milyonlarla toyuqun məhv edildiyi və bunun ölkə daxilindəki quşçuluq təsərrüfatlarında istehsala ciddi təsir etdiyi bildirilib.
Bundan əlavə, Amerika mətbuatında yer alan xəbərlərə görə, quş qripinin yenidən ortaya çıxması səbəbiylə 2022-ci ildən bəri ABŞ-da 110 milyon yumurtlayan toyuq məhv edildiyi, yumurta səhər yeməyi və sendviç satan bəzi zəncir restoran və fast food şirkətlərinin menyu qiymətlərini artırdığı qeyd edilib.
ABŞ Kənd Təsərrüfatı Nazirliyinin 2024-cü ilin dekabr ayında dərc etdiyi hesabatda ölkədə genişmiqyaslı quş qripi epidemiyasının olduğu vurğulanıb və ölkədə yumurta ehtiyatlarının azalmasına da bu epidemiya səbəb olduğu bildirilib.
Digər tərəfdən, ABŞ Əmək Nazirliyinin məlumatlarına görə, son 5 ildə ölkədə yumurta qiymətlərində təxminən yüzdə 160 artım var.
Nuranə Məmmədova
