ABŞ prezidenti Donald Tramp Kanadaya əlavə rüsumlar tətbiq etməklə bağlı “təhdidini” təkrarlayaraq, “Kanadaya ildə 200 milyard dollardan çox subsidiya veririk. Niyə? Bu davam edə bilməz. Məntiqli olan tək şey Kanadanın 51-ci dövlətimiz olmasıdır”, – deyib.
Elchi.az xəbər verir ki, Tramp Kanadanın Ontario əyalətinin Truth Social hesabında ABŞ-a satılan elektrik enerjisinə 25 faizlik tarif tətbiq edəcəyi ilə bağlı açıqlamasına cavab verib.
Tramp Kanadanın qərarına sərt reaksiya verib və Kanadadan ABŞ-a gələn bütün polad və alüminium məhsullarına əlavə 25 faiz gömrük rüsumu əlavə edəcəklərini və ümumi nisbəti 50 faizə çatdıracaqlarını açıqlayıb.
Tramp həmçinin bildirib ki, Kanada ABŞ-ın müxtəlif süd məhsullarına 250%-dən 390%-ə qədər ferma tariflərini dərhal qaldırmalıdır.
Ontarionun ABŞ-a satılan elektrik enerjisi tariflərinin yaratdığı problemə toxunan Trump, “Mən tezliklə o bölgədə elektrik enerjisi üçün Milli Fövqəladə Hal elan edəcəyəm” dedi, “Bu, ABŞ-a Kanadadan gələn bu zərərli təhlükəni azaltmaq üçün sürətlə hərəkətə keçməyə imkan verəcək.” qiymətləndirməsini etdi.
“Biz Kanadaya ildə 200 milyard dollardan çox subsidiya veririk. Niyə? Bu davam edə bilməz. Məntiqli olan yeganə şey Kanadanın 51-ci dövlətimiz olmasıdır”, – Tramp deyib.
Kanadanın ABŞ-a qoşulacağı təqdirdə bütün gömrük rüsumlarından azad olacağını, hərbi baxımdan daha təhlükəsiz olacağını və artıq sərhəd probleminin qalmayacağını müdafiə edən Tramp, “Dünyanın ən böyük və ən güclü dövləti hər zamankindən daha böyük və güclü olacaq və Kanada da bunun böyük bir hissəsi olacaq” – deyə şərh edib.
Kanadanın ABŞ-a tətbiq etdiyi digər tarifləri də qaldırması lazım olduğunu müdafiə edən Tramp, “Əks halda, 2 apreldə ABŞ-a gələn avtomobillərə tətbiq edilən tarifləri əhəmiyyətli dərəcədə artıracağam və Kanadada avtomobil istehsalını daimi olaraq dayandıracağam”- deyib.
ABŞ və Kanada arasında tarif gərginliyi
ABŞ-ın Kanada və Meksikadan idxal etdiyi məhsullara 25 faizlik əlavə rüsum martın 4-dən başlayıb.
Tramp daha sonra aprelin 2-dək “ABŞ-Meksika-Kanada Müqaviləsi (USMCA)” çərçivəsində olan məhsullara tarif tətbiq etməyəcəklərini açıqlayıb.
ABŞ prezidenti Tramp ölkənin polad və alüminium idxalına əlavə rüsumların martın 12-dən qüvvəyə minəcəyini açıqlayıb.
Kanadanın ən sıx məskunlaşdığı Ontario əyalətinin baş naziri Doug Ford dünən bəyan edib ki, Vaşinqton administrasiyası tariflər müqabilində ABŞ ştatlarına təqdim etdikləri elektrik enerjisinə əlavə 25 faiz rüsum tətbiq edəcək.
Ford, lazım gələrsə, bu nisbəti artırmaqdan da çəkinməyəcəyini vurğulayaraq, “ABŞ bunu artırarsa, elektrik enerjisini tamamilə kəsməkdən çəkinməyəcəyəm. Bu ticarət müharibəsini başlatmadığı üçün Amerika xalqına çox yazığım gəlir. Məsuliyyətli yalnız bir adam var, o da prezident Trampdır” – deyib.
Nuranə Məmmədova
