Şri-Lankada meymun elektrik şəbəkəsinin transformatoruna girərək ölkə daxilində elektrik enerjisinin kəsilməsinə səbəb olub.
Elchi.az xəbər verir ki, Şri-Lanka hökumət rəsmiləri bildiriblər ki, meymunun bazar günü ölkədə elektrik şəbəkəsi stansiyasına müdaxilə etməsi adada elektrik enerjisinin kəsilməsinə səbəb olub.
Yerli vaxtla səhər saat 11:30 radələrində başlayan elektrik enerjisinin kəsilməsi təxminən üç saatdan sonra hələ də tam bərpa olunmayıb.
22 milyon əhalisi olan ada dövlətindəki xəstəxanalar və müəssisələr hal-hazırda generator və ya çeviricilərdən istifadə edir.
Şri-Lankalılar 2022-ci ilin yayında ölkə iqtisadi böhrana girəndə aylarla elektrik kəsilməsinə dözdülər.
Yanacaqdoldurma məntəqələrində benzin və dizel tükəndiyi üçün hakimiyyət orqanları istilik elektrik stansiyalarının enerjisini sutkada 13 saat kəsmək məcburiyyətində qalıb.
Şayəstə Hüseynova
