Cenin Bələdiyyə Başçısı Məhəmməd Cərrar İsrail ordusunun iki aya yaxındır ki, hücumlarından sonra işğal altındakı İordan çayının qərb sahilinin şimal hissəsindəki Cenin şəhəri və Cenin Qaçqınlar Düşərgəsinin infrastrukturunu tamamilə xarabalığa çevirdiyini açıqlayıb.
Elchi.az xəbər verir ki,bələdiyyə sədri Cərrar Cenindəki hücumların 58-ci gününə girdiyini və İsrail ordusunun düşərgəyə və şəhərin müxtəlif məhəllələrinə hələ də hərbi maşın, tank, zirehli transportyor və buldozerlər göndərdiyini bildirib.
Düşərgənin hazırda “fəlakət zonası”na çevrildiyini bildirən Cerrar, “İsrail Cenin Qaçqınlar Düşərgəsinin infrastrukturunu tamamilə məhv edib. Qaçqın düşərgəsindəki bütün infrastrukturun – yollar, kanalizasiya, su, elektrik və rabitə şəbəkələrinin yüzdə 100 məhv edildiyini deyə bilərik” dedi.
Düşərgənin və ona bitişik məhəllələrin əksəriyyətində yaşayan fələstinlilərin “məcburi olaraq köçkün” edildiyini qeyd edən Cərrar, İsrail əsgərlərinin fələstinlilərin evlərini sökməyə və bəzilərini yandırmağa davam etdiyini bildirib.
Cerrar, “İsrail əsgərlərinin hücumlarının təkcə qaçqın düşərgələri ilə məhdudlaşmadığını” ifadə edərək, İsrail ordusunun Cenin şəhərinin məhəllələrində zaman-zaman hücumlarını artırdığını bildirib.
Qatil İsrail Cenin Qaçqınlar Düşərgəsində 66 Evi partlatmağı planlaşdırır
Qatil İsrail Cenin Qaçqınlar Düşərgəsində 66 Evi partlatmağı planlaşdırır
Yanvarın 19-da Qəzzada atəşkəsin qüvvəyə minməsindən sonra İsrail ordusu 21 yanvar çərşənbə axşamı günü işğal altındakı İordan çayının qərb sahilinin şimalındakı Cenin şəhərinə və onun qaçqın düşərgəsinə “Dəmir divar” adı verilən hücuma başlayıb.
Hücumlar daha sonra Tulkerim və Tubaları və oradakı qaçqın düşərgələrini əhatə edəcək şəkildə genişləndirildi. İsrail ordusu Cenin və Tülkərimdəki düşərgələrin işğalını davam etdirərkən, oradakı 100-ə yaxın binanı dağıdıb.
2023-cü il oktyabrın 7-dən bu yana işğal altındakı İordan çayının qərb sahili və Şərqi Qüdsdə Fələstin torpaqlarını qəsb edən İsrail əsgərləri və israillilərin hücumları nəticəsində 168-i uşaq olmaqla 937 fələstinli həyatını itirib, təxminən 7000 nəfər isə yaralanıb.
Şayəstə Hüseynova
