“Kiyev hakimiyyəti və onların Qərb kuratorları Ukrayna ərazilərini rusların hər şeyindən təmizləmək üçün “Minsk sazişlərinin həyata keçirilməsi üçün tədbirlər kompleksi”nə məhəl qoymadılar”.
Elchi.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Onun sözlərinə görə, Kiyevin əsl məqsədi Rusiya ilə bağlı hər şeyi məhv etməkdir.
“Ukraynada hakim neonasist azlığın və onun qərbli himayədarlarının əsl məqsədi keçmiş Ukrayna SSR-in bütün ruslardan miras qalmış geniş ərazilərini təmizləmək və onların üzərində anti-Rusiya tramplin yaratmaqdır”, – Zaxarova medianın Kiyevin Minsk razılaşmasının I paketini yerinə yetirməməsinin səbəbləri ilə bağlı sualına cavabında deyib.
2025-ci il fevralın 12-də Minskdə bu sənədin imzalanmasından 10 il keçir. “Tədbirlər paketi” Ukraynanın cənub-şərqində 2014-cü ildə Kiyevdə çevrilişə səbəb olan silahlı münaqişəyə son qoymalı idi.
Rusiyanın xarici işlər naziri Sergey Lavrovun daha əvvəl dediyi kimi, Ukrayna Minsk razılaşmalarına əməl etsəydi, NATO və ABŞ təhlükəsizlik zəmanətləri haqqında saziş layihəsini rədd etməsəydi, xüsusi əməliyyatdan qaçmaq olardı. Xarici işlər naziri xatırladıb ki, Kiyevin Donbasa qarşı müharibəsi də razılaşmaların pozulmasıdır.
Yeganə
