ABŞ-ın yeni seçilmiş prezidenti Donald Trampın Panama kanalının ABŞ-a qaytarılmasını tələb edə biləcəyi ilə bağlı açıqlamalarına reaksiya verən Panama xalqı Trampın plakatlarını yandırıb.
Elchi.az xəbər verir ki, Panamanın ən güclü həmkarlar ittifaqlarından biri olan İnşaat və Bənzər Sektorlarda İşçilərin Milli Həmkarlar İttifaqının (Suntracks) rəhbərliyi ilə meydanlara çıxan xalq Panama parlamenti qarşısında Trampa etiraz edib.
Nümayişçilər ABŞ bayrağını və Trampın plakatlarını yandıraraq Panama prezidenti Xose Raul Mulinoya dəstək olduqlarını bildiriblər.
Suntracs tərəfindən edilən açıqlamada, “Donald Trampın təhdidlərini qətiyyətlə rədd edirik. Bu bölgə panamalılara məxsusdur. Biz suverenliyimizi və kanalımızı qorumaqda qərarlıyıq”. Bəyanat daxil edilib.
Kolumbiya prezidenti Qustavo Petro, Meksika prezidenti Klaudiya Şeynbaum və Venesuela hökuməti Panamanın kanal üzərindəki suveren hüquqlarına hörmət edilməli olduğunu vurğulayaraq Murilloya dəstək mesajları göndəriblər.
Murillo sosial media hesabında beynəlxalq ictimaiyyətə təşəkkür edərək, “Bütün panamalılar adından müxtəlif dövlət başçılarından, keçmiş dövlət başçılarından, beynəlxalq təşkilat rəhbərlərindən və vətəndaşlardan həmrəylik mesajlarına görə minnətdarıq. Panama Kanalı bu gün və həmişə dünya ticarətinə xidmət etməyə davam edir”. paylaşımını edib.
Şayəstə Hüseynova
