Fransa prezidenti Emmanuel Makron sosial media istifadəçilərinin suallarına cavab olaraq bildirib ki, Avropa qeyri-müəyyənlik şəraitində “kütləvi müdafiə” planı ilə razılaşmalı və yerli silah istehsalına daha çox sərmayə qoymalıdır.
Elchi.az bu barədə “Reuters”ə istinadən xəbər verir.
Onun sözlərinə görə, avropalılar Rusiya və ABŞ arasında Ukrayna ilə bağlı danışıqların bərpasından, həmçinin Aİ-nin təhlükəsizliyinə daha çox töhfə verməsini tələb edən, həmçinin Qrenlandiyanı ilhaq etmək planlarını hazırlayan Vaşinqtonun NATO-ya davamlı dəstəyi ilə bağlı qeyri-müəyyənlikdən “narahatdırlar”.
“Bizə 5-10 illik strategiya lazımdır ki, biz avropalılar Avropanın müdafiəsi yükünü amerikalıların üzərinə götürmək və daha da muxtar olmaq üçün daha çox iş görməliyik”, – Makron bildirib.
“Bu strateji oyanış bizi nəhəng müdafiə planı və Avropaya nəhəng sərmayələr barədə qərara gətirib çıxarmalıdır və biz bu strateji qərarları yaxın həftələrdə verməliyik, həmçinin iqtisadiyyatın və texnologiyanın inkişafını sürətləndirməliyik, çünki bu, həm də müstəqilliyimizin amilidir”.
Makron məsələnin Avropanın müdafiə şirkətlərinə daha çox pul yatırmaq və onları satınalmada prioritetləşdirməklə bağlı olduğunu izah edərək, informasiya təhlükəsizliyinin gücləndirilməsi, sosial şəbəkələrdə təhlükəsizliyin artırılması və digər Avropa ölkələri ilə xarici müdaxilələrdən qorunmağı müdafiə edib.
Yeganə
