Böyük Britaniyadan olan turist Lyuk Daekin piyada Gürcüstan və Azərbaycana çatacaq, sonra isə bərə ilə Qazaxıstana getməyi planlaşdırır.
Elchi.az xəbər verir ki, bu barədə “The Indian Express” nəşri yazıb.
Qeyd olunub ki, o, Britaniyadan Vyetnama qədər yolu sponsor dəstəyi, müşayiət komandası olmadan və ictimai nəqliyyatdan istifadə etmədən qət etməyi planlaşdırır.
L.Daekin öz marşrutuna 2024-cü il sentyabrın 16-da başlayıb və hər hansı bir nəqliyyat vasitəsindən imtina edərək yalnız piyada hərəkət etməyi qərara alıb.
Qeyd edilib ki, yolun ilk 214 günündə o, Böyük Britaniya, Fransa, Belçika, Lüksemburq, Almaniya, Avstriya, Macarıstan, Serbiya, Bolqarıstan, Yunanıstan və Türkiyədən keçərək Avropanın üçdə ikisini qət edə bilib. Oradan Gürcüstan və Azərbaycanı keçərək, daha sonra Qazaxıstana gedəcək.
“Bu mərhələ ən çətin ola bilər – ucsuz-bucaqsız çöllər, infrastrukturun olmaması, su və qidaya məhdud çıxış hətta belə təcrübəli səyyah üçün də ciddi sınaq olacaq”, – məqalədə bildirilib.
O, səyahətini Hanoyda tamamlamağı planlaşdırır.
