Dünyanın ən zəngin insanlarından biri olan Ceff Bezosa məxsus Amerika onlayn alış-veriş platforması Amazon ABŞ-ın yeni seçilmiş prezidenti Donald Trampın andiçmə fonduna 1 milyon dollar ianə vermək niyyətindədir.
Elchi.az xəbər verir ki, bu barədə “The Wall Street Journal” (WSJ) məlumat yayıb.
Jurnalın məlumatına görə, Mark Zukerberqin Meta Korporasiyası daha əvvəl Tramp Fonduna eyni məbləğdə pul göndərib.
“The Wall Street Journal” qeyd edir ki, Bezos və digər texnologiya şirkətlərinin rəhbərləri respublikaçıların yeni administrasiyası ilə münasibətləri yaxşılaşdırmağa çalışırlar.
Vəsaitin ayrılması ilə bağlı qərar Amazon tərəfindən bir neçə gün əvvəl verilib və artıq Trampın keçid komandasına məlumat verilib. Bundan əlavə, qəzetin mənbələrinin qeyd etdiyi kimi, Amazon Prime Video axın platforması gələn il yanvarın 20-də Trampın andiçmə mərasimini yayımlayacaq ki, bu da daha bir milyon dollarlıq ianə sayıla bilər.
Bezosun gələn həftə Florida ştatındakı Mar-a-Laqo iqamətgahında Trampla görüşəcəyi gözlənilir.
Yeganə
