Zelenski bildirib ki, Ukrayna Rusiya Federasiyası ilə istənilən formatda danışıqlar planı hazırlayır.
Elchi.az xəbər verir ki, Kiyev hazırda Moskva ilə sülh danışıqları üçün “başlanğıc və bünövrə” olacaq plan hazırlayır. UNİAN agentliyinin Telegram kanalında məlumat verildiyi kimi, bunu Ukrayna Prezidenti Vladimir Zelenski deyib.
Dövlət başçısının sözlərinə görə, müvafiq sənədin üç bəndi artıq hazırdır. O, həmçinin əlavə edib ki, işlər başa çatdıqdan sonra Kiyev Moskva ilə “istənilən formatda və onun istənilən nümayəndəsi ilə” dialoq təşkil etməyə hazır olacaq.
“Bütün plan noyabrın əvvəlində hazır olacaq”, – deyə Zelenski bildirib.
Bundan əlavə, Ukrayna lideri ölkənin bir çox Qərb tərəfdaşlarının növbəti “sülh sammitində” Rusiya Federasiyasını görmək arzusunu açıqlayıb. İlk belə konfrans 2024-cü ilin iyununda İsveçrədə baş tutdu və orada heç bir rus diplomatı yox idi.
Sentyabrın 21-də Rusiya Dövlət Dumasının deputatı Aleksey Çepa tərəflərin bu ilin sonuna qədər Ukraynadakı münaqişəni həll edə bilməyəcəklərinə əminliyini ifadə edib. Onun dediyi kimi, dialoqun qurulmasına döyüşləri uzatmaq istəyən Qərb dövlətləri mane olur. Eyni zamanda, parlamentari danışıqlara 2025-ci ilin yazında başlanmasının mümkünlüyünü etiraf edib.
Şayəstə Hüseynova
