İran prezidenti Məsud Pezeşkian bildirib ki, İsrailin törətdiyi cinayətlərə son qoyulması üçün bu rejim tərəfdarlarına daha çox təzyiq göstərilməlidir.
Elchi.az xəbər verir ki, İranın rəsmi xəbər agentliyi İRNA- nın məlumatına görə , Pezeşkian və Omanın sultanı Heysəm bin Tariq telefon danışığında İsrailin Qəzza zolağına və Livana hücumlarını və ikitərəfli əlaqələri müzakirə ediblər .
Pezeşkiyan, “Bölgə ölkələri arasında dostluq əlaqələrinin gücləndirilməsi və əməkdaşlığın genişləndirilməsi regional problemlərin həllinə, ölkələrin inkişafına, sülh və rifahın təşviqinə töhfə verəcək”,- deyib.
İsrailin törətdiyi cinayətləri dayandırmaq üçün İsrailə dəstək verən ölkələrə daha çox təzyiq edilməli olduğunu bildirən Pezeşkiyan bu mövzuda İslam ölkələrinin həmrəyliyinin vacibliyini vurğulayıb.
Pezeşkian, ” Biz İslam ölkələri bir olsaq, İsrail asanlıqla belə cinayətlərə cəsarət etməz. Üstəlik, ABŞ və Qərb ölkələri də buna dəstək ola bilməz” ,- deyib.
Oman Sultanı Bin Tariq çıxışında bəzi Qərb ölkələrinin İsrailin törətdiyi cinayətlərlə bağlı ikili standartlar tətbiq etdiyinə diqqət çəkərək, Qərb ölkələrinin İsraili dəstəkləməsinin ağlabatan izahının olmadığını qeyd edib.
Nuranə Məmmədova
