“The Sun” qəzeti yazır ki, Britaniya Hərbi Dəniz Qüvvələri Şotlandiyanın şimal-qərbindəki Rasay adası ilə Applekross yarımadası arasındakı Inner Sound bölgəsində balinanı rus pilotsuz təyyarələri ilə səhv salıb.
Elchi.az TASS-a istinadən xəbər verir ki, qarışıqlıq məməlilərin ən böyük nümayəndəsindən çıxan qəribə səslər səbəbindən yaranıb.
Britaniya hərbçiləri onların Rusiya tərəfindən atıldığı iddia edilən bir növ dinləmə cihazından gəldiyini düşünürdülər.
Qəzet Britaniya Hərbi Dəniz Qüvvələrinin sözçüsündən sitat gətirib: “Biz səsləri təhlil etdik və indi onun dəniz məməlisi olduğuna inanırıq. Balina”. Nəşr bütün 55 illik tarixində dəniz poliqonunda belə səslərin qeydə alınmadığını aydınlaşdırır.
Bundan əvvəl Böyük Britaniya Müdafiə Nazirliyinin rəhbəri Con Healy bildirmişdi ki, iki Britaniya gəmisi krallığın sualtı infrastrukturu ilə bağlı kəşfiyyat məlumatları toplamaq üçün Rusiyanın “Yantar” okeanoqrafik gəmisini izləmək üçün göndərilib.
Rusiyanın Böyük Britaniyadakı səfirliyi sualtı rabitə üçün təhlükə ilə bağlı ittihamları rədd edib və Rusiya Federasiyasından belə təhdidlərin heç vaxt gəlmədiyini vurğulayıb.
Yeganə
