Almaniyada Bundestaq xaricdəki dörd hərbi missiyanın mandatını uzadıb.
Elchi.az xəbər verir ki, Federal Məclis Aralıq dənizində SEA GUARDIAN və IRINI, Qırmızı dənizdə ASPIDES və Cənubi Sudanda UNMISS əməliyyatları üçün hərbi missiya mandatının uzadılmasını təsdiqləyib.
Buna uyğun olaraq, Alman ordusu təxminən 550 əsgərdən ibarət qüvvə ilə NATO-nun Aralıq dənizində həyata keçirdiyi Dəniz Təhlükəsizliyi Əməliyyatı SEA GUARDIAN-a verdiyi töhfəni noyabr ayının sonuna qədər davam etdirəcək.
Almaniya həmçinin Birləşmiş Millətlər Təşkilatının (BMT) Liviyaya silah embarqosuna nəzarət etmək üçün Avropa İttifaqı (Aİ) tərəfindən 300 alman əsgəri ilə noyabrın sonuna qədər Aralıq dənizində həyata keçirilən IRINI əməliyyatını dəstəkləyəcək.
Almaniyanın Aİ-nin rəhbərlik etdiyi ASPIDES əməliyyatına Qırmızı dənizdəki töhfəsi də oktyabrın sonuna qədər davam edəcək.
Missiya Qırmızı dənizdəki əsas gəmi yollarını qorumaq üçün dəniz qüvvələrini və təxminən 700 əsgəri yerləşdirəcək.
Almaniya BMT-nin Cənubi Sudandakı missiyası olan UNMISS-də də 50 əsgəri olacaq.
Bu bölmələr yardımçı ölkələrin texniki təchizatı və təlimi ilə bağlı yardım edəcək.
UNMISS mülki şəxslərin müdafiəsi, humanitar yardımın asanlaşdırılması və sülh prosesinin həyata keçirilməsini dəstəkləməyə diqqət yetirir.
Şayəstə Hüseynova
