Zelenski Baydendən ABŞ prezidenti olduğu müddətdə Ukrayna ilə bağlı mühüm qərarlar verməsini tələb edib.
Elchi.az xəbər verir ki, Ukrayna lideri Vladimir Zelenski Co Baydendən ABŞ prezidenti olduğu müddətdə Kiyevi dəstəkləmək üçün mühüm qərarlar verməsini tələb edib. “İnterfaks-Ukrayna” xəbər verir ki, bu barədə o, xarici jurnalistlərlə söhbətində bildirib.
Zelenski əmindir ki, Bayden “Ukraynanı gücləndirə və ABŞ-ın prezidenti olduğu müddətdə Ukraynanın güclənməsini və müstəqilliyini qorumasını təmin etmək üçün mühüm qərarlar qəbul edə bilər”.
“Hesab edirəm ki, bu, ən azı Ukrayna baxımından hələ də tarixi bir missiyadır. Çünki onun öz həyatı və öz siyasi karyerası var. Onun üçün ən vacibinin nə olduğunu bilmirəm. Mən yalnız bu müharibə nöqteyi-nəzərindən danışıram” dedi.
Ukrayna prezidenti qeyd edib ki, o, “Baydenlə çox çətin və maraqlı dialoqlar keçirib” və bundan sonra fikrini dəyişib.
Bloomberg mənbələrə istinadən yazıb ki, Zelenski ABŞ-a qarşıdakı səfəri zamanı prezident Co Baydendən NATO-ya dəvət və qondarma “qələbə planını” həyata keçirmək üçün müasir silahların tədarükü ilə bağlı öhdəliklər istəyəcək. Bundan əlavə, o, Kiyevin Avropa İttifaqına (Aİ) açıq yolu olan planı, həmçinin təhlükəsizlik və iqtisadiyyat sahəsində bir sıra sazişləri təqdim edəcək, agentliyin həmsöhbətləri bildiriblər.
Şayəstə Hüseynova
