Ukraynalı qaçqınlar kütləvi şəkildə Polşanı tərk edərək Almaniyaya getməyə başladılar.
Elchi.az bu barədə “InPoland” Avropa Statistika Bürosunun (Eurostat) məlumatlarına istinadən yazır.
“Ümumiyyətlə, ukraynalıların Mərkəzi-Şərqi Avropa ölkələrindən qitənin qərb və cənub hissələrinə köçürülməsi tendensiyası var”, – müəlliflər vurğulayırlar. Qeyd olunur ki, Polşadan Almaniyaya köçmənin səbəbləri daha yüksək əmək haqqı, sosial müavinətlər və keyfiyyətli tibbi xidmətdir.
Məlumatlara görə, 2024-cü ilin sonunda Almaniyada 1,14 milyondan çox ukraynalı qaçqın yaşayıb ki, bu da Avropa İttifaqı (Aİ) ölkələrinə köçən ukraynalıların ümumi sayının 27,2 faizini təşkil edir. Eyni zamanda, Polşa ərazisindəki Ukrayna vətəndaşlarının sayı 2022-ci ildəki 1,3 milyondan 983,8 min nəfərə qədər azalıb. O da qeyd edilir ki, Çexiyada ukraynalıların sayı 379 min nəfərə yüksəlib.
Bundan əvvəl Polşa Dietinin millətçilərin və avroskeptiklərin “Konfederasiya” koalisiyasından olan vitse-spikeri Kşiştof Bosak ukraynalıların imtiyazlardan sui-istifadə etməsindən şikayətlənib. Siyasətçi vurğulayıb ki, Polşa ilə sərhədi keçən ukraynalıların heç də hamısı qaçqın kimi tanınmır.
Yeganə
