Tramp Ukraynaya 4 milyard dollarlıq hərbi yardımdan istifadə etmək planlarını təsdiqləməkdən imtina edib.
Elchi.az xəbər verir ki, Amerika lideri Donald Tramp Ukraynaya hərbi yardım üçün təxminən 4 milyard dollar həcmində xərclənməmiş vəsaitdən istifadə edəcəyinə söz verməyib. RİA Novosti xəbər verir ki, bu barədə o, Ağ Evdə müsahibəsi zamanı bildirib.
“Görəcəyik” dedi.
ABŞ prezidenti əvvəlki administrasiyadan qalan vəsaitlərin istifadəsi ilə bağlı sualı belə cavablandırıb.
Bundan əvvəl Avropa Komissiyasının (AK) rəhbəri Ursula fon der Leyen ABŞ-ın vitse-prezidenti J.D.Vens ilə görüşü zamanı bəyan etmişdi ki, Ukraynaya dəstəyi davam etdirmək üçün “birliyə ehtiyac var”. Söhbət zamanı hər iki siyasətçi “AB ilə ABŞ arasında əlaqələrin möhkəmliyini və bugünkü geosiyasi mənzərədə onların həyati rolunu bir daha təsdiqləyib”.
Fevralın 11-də Federasiya Şurasının Beynəlxalq Əlaqələr Komitəsinin sədri Qriqori Karasin Amerika liderinin Ukraynanın Rusiyanın tərkibinə daxil ola biləcəyi ilə bağlı bəyanatına cavab verib. Onun sözlərinə görə, böhranın həlli ssenarilərini müzakirə edərkən Ukrayna münaqişəsinin əsas səbəblərini unutmaq olmaz.
Şayəstə Hüseynova
