ABŞ-ın yeni seçilmiş prezidenti Donald Tramp şənbə günü Panama kanalından keçən ABŞ gəmilərindən alınan “ədalətsiz” ödənişləri tənqid edib və su yoluna nəzarəti Vaşinqtona qaytarmaqla hədələyib.
Elchi.az bu barədə Reuters-ə istinadən xəbər verir.
O, həmçinin kanal bölgəsində artan Çin təsirinə işarə etdi ki, bu da Amerika maraqları üçün narahatedici bir tendensiyadır, çünki Amerika biznesləri malları Atlantik və Sakit okeanlar arasında daşımaq üçün kanaldan asılıdır.
“Bizim donanmamıza və ticarətimizə çox ədalətsiz və ehtiyatsız davranıldı. Panama tərəfindən alınan rüsumlar gülüncdür. Ölkəmizin bu tam talanına dərhal son qoyulmalıdır”, o, “Truth Social” səhifəsində yazıb.
“Bu, yalnız Panama üçün idi, Çin və ya başqası üçün deyil. Biz heç vaxt onun yanlış əllərə keçməsinə imkan verməyəcəyik”, – Tramp bildirib.
O əlavə edib ki, əgər Panama kanalın “təhlükəsiz, səmərəli və etibarlı istismarını” təmin edə bilməsə, “o zaman biz Panama kanalının bütövlükdə və heç bir sual olmadan bizə qaytarılmasını tələb edəcəyik”.
1914-cü ildə ABŞ tərəfindən tikintisi başa çatdırılan Panama kanalı Demokratlar Partiyasının prezidenti Cimmi Karterin imzaladığı 1977-ci il müqaviləsi ilə Panamaya təhvil verilib, AFP yazır. Panama 1999-cu ildə kanal üzərində tam nəzarəti təmin edib.
Yeganə
