Əfqanıstanda canlıları təsvir edən şəkillər tezliklə mediada qadağan olunacaq. Taliban jurnalistlərə qaydanın mərhələli şəkildə həyata keçiriləcəyini bildirib.
Elchi.az xəbər verir ki, Fəziləti Təşviq və Əxlaqsızlığın Qarşısının Alınması Nazirliyinin sözçüsü Seyful İslam Khyber AFP-yə canlı varlıqların təsvirlərinin İslam qanunlarına zidd olduğunu əsas gətirərək, “bu tədbirin tədricən həyata keçiriləcəyini” söylədi.
“Qanunların icrasında gücə yer yoxdur”, – sözçü əlavə edib.
Taliban hakimiyyəti, 2021-ci ildə Əfqanıstanda hakimiyyətə gəldikdən sonra tətbiq etdikləri şəriət qanunlarına uyğun olaraq, yayda əhali arasında “fəziləti təbliğ etmək və pisliyin qarşısını almaq” üçün 35 maddədən ibarət qanun çıxarıb.
Qanun canlı varlıqların görüntülərinin, “şəriət qanunlarına və dinə düşmən olan məzmunun” və ya “müsəlmanları alçaldan” görüntülərin yayımına qadağa da daxil olmaqla, xəbər mediasını hədəf alan bir sıra tədbirləri əhatə edir.
Şayəstə Hüseynova
