Rusiya Xarici İşlər Nazirliyinin rəsmi nümayəndəsi Mariya Zaxarova qeyd edib ki, hazırkı mərhələdə Suriyadakı vəziyyəti müzakirə etmək üçün Astana formatı ölkələrinin görüşünün mümkünlüyü araşdırılır.
Elchi.az xəbər verir ki, diplomat bu formatda cümə günü Dohada keçiriləcək görüşlə bağlı əvvəllər yayılan məlumatları şərh edib.
“Görüşlə bağlı məsələ üzərində iş aparılır”, – TASS Zaxarovanın sözlərindən sitat gətirir.
Suriyadakı vəziyyəti həll etmək üçün Astana formatında görüş keçirilə bilər. Artıq bir həftədir ki, ölkədə hökumət əleyhinə qüvvələrlə toqquşmalar gedir. “Həyat Təhrir əş-Şam” qruplaşması (Rusiya Federasiyasında terrorçu kimi tanınıb, qadağan edilib) İdlibdə hücum əməliyyatına başlayıb. Hələb və Həma şəhərləri hədəfə alınıb.
Artıq 30 noyabr 2024-cü ildə terrorçular beynəlxalq hava limanının və Quires hərbi aerodromunun yerləşdiyi Hələbi və ətrafını ələ keçiriblər. Həma istiqamətində hücum Rusiya Silahlı Qüvvələrinin dəstəyi ilə Suriya hökumətinin qoşunları tərəfindən dayandırılıb və 2024-cü il dekabrın 1-də silahlıların mövqelərinə əks-hücum başlayıb.
Yeganə
