Yeni bir araşdırma, süni intellekt tərəfindən dəstəklənən səs analizinin diaqnoz qoyulmamış tip 2 diabet hallarını 71 faiz dəqiqliklə müəyyən edə biləcəyini ortaya qoydu. Bu qeyri-invaziv metod perspektivli olsa da, geniş miqyaslı skrininqdə istifadə edilməzdən əvvəl əlavə yoxlama tədqiqatlarına ehtiyac var.
Elchi.az xəbər verir ki, sentyabrın 9-13-də Madriddə keçirilən Avropa Diabet Tədqiqatları Assosiasiyasının (EASD) İllik Toplantısında təqdim edilən araşdırmalar göstərib ki, 2-ci tip diabetin diaqnozu qoyulmamış halları səs analizi ilə aşkarlana bilər.
Araşdırmada fərdlərin səs qeydləri yaş, cins, bədən kütlə indeksi (BKİ) və hipertoniya vəziyyəti kimi əsas sağlamlıq məlumatları ilə birləşdirilərək süni intellekt modeli hazırlanmışdır.
Bu model 2-ci tip diabetin mövcudluğunu qadınlarda 66 faiz, kişilərdə isə 71 faiz dəqiqliklə ayırd edə bilib.
Şayəstə Hüseynova
