Qətər HƏMAS və İsrail arasında əldə olunan atəşkəs razılaşmasının ikinci mərhələsi üzrə danışıqlara başlamaq üçün çalışdıqlarını açıqlayıb.
Elchi.az xəbər verir ki, Xarici İşlər Nazirliyinin sözçüsü Məcid əl-Ənsari paytaxt Dohada məsələ ilə bağlı mətbuat konfransı keçirib.
Ənsari, “Həmas və İsrail arasında Qəzzada əldə edilən atəşkəs razılaşmasının ikinci mərhələsi ilə bağlı danışıqların başlanması üçün lazımi atmosferi hazırlamağa davam edirik “- deyib.
Danışıqların başlama tarixinin razılaşmanın qüvvəyə mindiyi yanvarın 19-dan etibarən 16-cı gün olduğuna diqqət çəkən Ensari, şərtlərin olması halında danışıqların daha erkən başlamasının mümkün olduğunu qeyd edib.
Bu günə qədər atəşkəs razılaşmasının ciddi şəkildə pozulmasının olmadığını müdafiə edən Ensari, baş verənlərin atəşkəs razılaşmasına təsir edəcək səviyyədə olmadığını bildirib.
Ensari, Tel-Əvivin tələb etdiyi israilli məhbus Arbel Yehudun cümə günündən əvvəl təslim ediləcəyini və çatdırılma müddətinin hələ də müzakirə edildiyini bildirib.
Qəzza zolağında məcburi köçkün olan fələstinlilərin cənubdan şimala qayıtmağa başladığı zaman Qətər -Misir komitəsinin işə başladığını bildirən Ənsari, komitənin vəzifəsinin yalnız şimala qayıdan avtomobilləri yoxlamaq olduğunu bildirib. bu texniki, məhdud və müvəqqəti vəzifəni şişirtmək olmaz.
Ənsari qeyd edib ki, Qəzza zolağı ilə Misir arasındakı Rəfah Sərhəd Qapısının hər iki tərəfinin açılış tarixi ilə bağlı hələ dəqiq məlumat yoxdur.
Nazirliyin sözçüsü onu da qeyd edib ki, əsir mübadiləsi çərçivəsində azad edilmiş və hazırda Qahirədə olan 70 fələstinlinin təyinat yerləri üzərində işləyən komitələr var.
İsrail və HƏMAS arasında atəşkəs və əsir mübadiləsi razılaşması
Vasitəçi ölkələrdən biri olan Qətər yanvarın 15-də İsrail və HƏMAS arasında Qəzzada atəşkəs və əsir mübadiləsinə dair razılığın əldə edildiyini açıqlayıb.
Müqavilə yanvarın 19-u, bazar günü, GMT vaxtı ilə 12.15-də qüvvəyə minib. Üç mərhələdən ibarət olacaq atəşkəs razılaşmasının ilk 42 günündə 33 israilli və 1900-dən çox fələstinli məhbus azad ediləcək.
HƏMAS-ın hərbi qanadı İzzəddin əl-Qəssam Briqadaları razılaşmanın birinci mərhələsi çərçivəsində yanvarın 19-da 3 israilli qadını azad edib.
Nuranə Məmmədova
