Polşa Avropanın ən təhlükəsiz ölkələrindən biri hesab edilsə də, Rusiyanın Ukraynaya qarşı müharibəsini gücləndirməsi və müttəfiq ölkələri təhdid etməsi Polşada narahatlıq yaradır. Bu kontekstdə Polşa hökuməti məktəblərdə silah təlimini məcburi etməklə şagirdləri mümkün təhlükələrə qarşı hazırlamağı hədəfləyir.
Elchi.az xəbər verir ki, Rusiyanın Ukraynadakı enerji və hərbi obyektlərə son dağıdıcı hücumları NATO-nun Polşada döyüş təyyarələri yerləşdirməsinə səbəb olub. Bu hücumlar nəticəsində Kiyevdə geniş şəkildə elektrik enerjisi kəsilib və vətəndaşlar bayram mövsümü öncəsi qaranlığa qərq olub.
Polşanın baş naziri Donald Tuskun rəhbərliyi altında ölkə Ukraynaya dəstəkdə liderlik edir. Polşa Müdafiə Nazirliyinin məlumatına görə, bu günə qədər Ukraynaya 4,5 milyard avro dəyərində 1300-dən çox hərbi texnika, o cümlədən helikopterlər, təyyarələr, tanklar və artilleriya sistemləri tədarük edilib. Nazirlik Polşanı “Ukraynaya yardımda şəksiz lider və yenilikçi” kimi xarakterizə edir.
Şayəstə Hüseynova
