Meta-nın 2025-ci il üçün böyük planları var və şirkətin məhsullarında əhəmiyyətli təkmilləşdirmələr və yeniliklər gözlənilir. Lakin bu prosesdə atılacaq ilk addımlardan biri şirkətin işçi qüvvəsinin 5 faizini ixtisar etmək olacaq. Şirkətin baş direktoru və qurucusu Zukerberq, aşağı performans göstərən işçilərin işdən çıxarılacağını açıqlayıb.
Elchi.az xəbər verir ki, Meta süni intellektin inkişafını artırmaq üçün addımlar atarkən, işçi qüvvəsinin fəaliyyətini nəzərdən keçirir. Şirkət aşağı nəticə göstərən işçiləri müəyyən etməyi və 3600 nəfəri işdən çıxarmağı planlaşdırır.
Bloomberg-in məlumatına görə, Zukerberq bu il işçi qüvvəsini 5% azaldacaq ki, Meta öz məqsədlərinə çata bilsin.
Şirkət aşağı performans göstərən işçiləri müəyyən edəcək və bu işçilər işdən çıxarılmazdan əvvəl ətraflı qiymətləndirmədən keçəcəklər.
Lakin işçilərin işinə görə ixtisar ediləcək və bu proses zamanı ixtisar olunacaq işçilərə müvafiq kompensasiya ödəniləcək.
Şayəstə Hüseynova
