“Aİ ölkələri BCM-nin İsrailin baş naziri Benyamin Netanyahunun həbsinə dair orderə əməl etməyə borcludurlar, əks halda bu, ikili standartların təzahürü olacaq”.
Elchi.az Reuters-ə istinadən xəbər verir ki, bu barədə Avropa İttifaqının xarici işlər və təhlükəsizlik siyasəti üzrə ali nümayəndəsi Cozep Borrel bildirib.
“Məhkəmə (Rusiya Prezidenti Vladimir) Putinə qarşı çıxanda siz alqışlaya bilməzsiniz, məhkəmə Netanyahuya qarşı çıxanda isə susmaq olmaz”, – Avropa diplomatiyasının rəhbəri öz fikirlərini bölüşüb.
Noyabrın 21-də Beynəlxalq Cinayət Məhkəməsi (ICC) İsrailin baş naziri Benyamin Netanyahu və Yəhudi Dövlət Müdafiə Nazirliyinin keçmiş rəhbəri Yoav Gallantın həbsinə order verib. Onlar 2023-cü il oktyabrın 8-dən 2024-cü il mayın 20-dək insanlığa qarşı cinayətlərdə və hərbi cinayətlərdə ittiham olunublar.
ABŞ prezidenti Co Bayden məhkəmənin qərarını qərəzli adlandırıb və Vaşinqtonun təhlükəsizliyinə təhdidlərə qarşı həmişə İsrailin yanında olacağını bildirib.
Yeganə
