ABŞ Aeronavtika və Kosmik Agentliyi (NASA) “2024 YR4” adlı asteroidin 2032-ci ilə qədər Yerlə toqquşma ehtimalının 3,1 faizdən 0,004 faizə düşdüyünü açıqlayıb.
Elchi.az xəbər verir ki, fevralın 19-da NASA-nın internet saytında asteroidlə bağlı açıqlama verilib və orada “7 il ərzində Yerlə toqquşma ehtimalının 3,1 faizə yüksəldiyi” ifadə edilib.
Açıqlamada asteroidin Yerə dəymə ehtimalının 0,004 faizə qədər azaldığı bildirilib.
Açıqlamada, son müşahidələrin asteroidin gələcək orbiti ilə bağlı qeyri-müəyyənliyi daha da azaltdığı ifadə edilib və Yerin hazırda 2024 YR4-ün 2032-ci ildə vuracağı ehtimal olunan yerlər arasında daha aşağı sıralarda yer aldığı qeyd edilib.
Digər tərəfdən, asteroidin Aya dəymə ehtimalının 1,7 faiz olduğu bildirilib.
2024 YR4 asteroidi
İlk dəfə 27 dekabr 2024-cü ildə Çilidə Rio Hurtado teleskopu tərəfindən təsbit edilən 2024 YR4-ün Yerə dəymə riski yüzdə 1,33 olaraq açıqlandı və bu nisbət daha sonra 2 faizə qədər yeniləndi.
Digər tərəfdən, astronomlar 2024 YR4-ün böyük miqyaslı dağıntıya səbəb olmayacağını, lakin qəzaya uğrayacağı təqdirdə yalnız 50 kilometrlik ərazidə zərər verə biləcəyini proqnozlaşdırdılar.
NASA fevralın 19-da 2024 YR4-ün 2032-ci ilə qədər Yerə dəymə ehtimalının 3,1 faiz olduğunu açıqlayıb.
Sakit okeanın şərqi, Cənubi Amerikanın şimalı, Afrika və Cənubi Asiya səma cisminin vura biləcəyi yerlər sırasındadır.
Beynəlxalq kosmik agentliklər bildirirlər ki, 2024 YR4 monitorinqi davam etdiriləcək və asteroidin təsirə məruz qalacağı təqdirdə istiqamətinin dəyişdirilməsi üçün səylər göstəriləcək.
Yeganə
