Respublikaçılar Partiyasından prezidentliyə namizəd və ABŞ-ın keçmiş prezidenti Donald Tramp noyabrın 5-də keçiriləcək prezident seçkilərində uduzacağı təqdirdə bir daha prezidentlik yarışına qatılmayacağını açıqlayıb.
Elchi.az xəbər verir ki, ABŞ-ın keçmiş prezidenti Tramp jurnalist Şaril Atkissonun proqramında iştirak edib və seçki gündəmini dəyərləndirib.
Seçkiləri uduzsa, 2028-ci il prezident seçkilərinə girməyi düşünüb-düşünmədiyini soruşduqda Tramp belə cavab verib: “Xeyr, belə düşünmürəm. Düşünürəm ki, hamısı bu olacaq. Amma ümid edirəm ki, uğur qazanacağıq”. o cavab verdi.
78 yaşlı Tramp fikrini dəyişsə, seçkiləri uduzsa və növbəti prezident seçkilərinə qatılsa, 2028-ci ildə onun 82 yaşı tamam olacaq.
Noyabrın 5-də ABŞ-da keçiriləcək prezident seçkilərində Tramp Ağ Evdəki kürsüyə çıxmaq üçün demokrat rəqibi Kamala Harrislə yarışacaq.
Şayəstə Hüseynova
