ABŞ prezidenti Donald Tramp avtomobillərə və avtomobil hissələrinə gömrük rüsumlarına dəyişiklik etməyi düşünmədiyini açıqlayıb.
Elchi.az xəbər verir ki, Donald Tramp Oval Ofisdə sərəncamlar imzaladıqdan sonra mətbuatın suallarını cavablandırıb.
Çinə tətbiq edilən tariflərin nə qədər tez endirilə biləcəyi ilə bağlı suala o, belə cavab verib: “Bu, onların işidir”. Tramp cavab olaraq 90 ölkənin tariflərlə bağlı onunla əlaqə saxladığını və hamısının razılaşmaq istədiyini bildirib.
“Düşünürəm ki, böyük müqavilələr bağlayacağıq. Bir şirkət və ya bir ölkə ilə razılaşmasaq, tarifi biz təyin edəcəyik. Önümüzdəki iki, üç həftə içində bunu təyin edəcəyik” deyən Tramp “sökmə” razılaşmaları yerinə ədalətli razılaşmalar edəcəklərini vurğuladı.
Çin üçün yeni faiz təyin oluna biləcəyinə diqqət çəkən Tramp, hazırda bir çox ölkə ilə danışıqlar apardıqlarını bildirib.
Tramp hələ ABŞ Federal Ehtiyat Sisteminin (FED) sədri Jerome Powell ilə danışmadığını, lakin edə biləcəyini ifadə edərək, “Faiz dərəcələrini aşağı salmamaqla səhv etdiyinə inanıram. Faizləri çox yüksək saxlayır” danışdı.
Kanada üçün avtomobil tariflərinin arta biləcəyinə dair siqnal
Kanadaya 25 faizlik tarif tətbiq edildiyini xatırladan Tramp, avtomobillər üçün bu nisbətin arta biləcəyini bildirib.
Tramp deyib ki, tariflərin tətbiqi “biz sizin avtomobillərinizi istəmirik, öz avtomobillərimizi yaratmaq istəyirik” deməkdir.
Maşınlara və avtomobil hissələrinə tarifləri tənzimləməyi düşünüb-düşünmədiyini soruşduqda, Tramp belə cavab verdi: “Xeyr, biz bunu hazırda düşünmürük, amma nə vaxtsa bu, arta bilər”. Cavabı verdi.
Tramp Kanada ilə razılaşma üzərində işlədiklərini bildirib.
Şayəstə Hüseynova
