Serbiyada hakim koalisiyadan olan deputatlar parlamentdə müxalifət nümayəndələri ilə dava salıblar.
Elchi.az xəbər verir ki, RİA Novosti bu barədə Serbiya Qanunvericilik Assambleyasının bəyanatına istinadən məlumat yayıb.
Qeyd olunur ki, dava gələn ilin büdcə layihəsinə baxılarkən baş verib. Müxalifət nümayəndələri bir anda ayağa qalxaraq Serbiya hökumətini istefaya çağırmağa başladılar – onları Novi Sad stansiyasında damın uçması nəticəsində 15 nəfərin ölümündə günahlandırdılar. Bu hərəkətlərə cavab olaraq hakim koalisiya üzvləri də onları qarşılamağa qalxıb.
“Bütün deputatlardan xahiş edirəm, dərhal öz yerlərində əyləşsinlər! Bu ev üçün ayıbdır! Dərhal öz yerlərinizə əyləşin!” Parlamentin sədri Ana Brnabiç onlara müraciət etdi.
Nəticədə tərəflər bir-birinə yaxınlaşıb və deputatlar bir-birinin üstünə su tökməyə, bir-birinin paltarından, əl-qolundan tutub itələməyə başlayıblar. Qadın deputatlar da eyvanda dava ediblər.
Nuranə Məmmədova
