Rusiya Müdafiə Nazirliyi ötən həftə Donetsk vilayətində 4 yaşayış məntəqəsini ələ keçirdiklərini bildirib.
Elchi.az xəbər verir ki, Nazirlikdən verilən açıqlamada martın 1-7-də Rusiya -Ukrayna müharibəsində Rusiya ordusunun fəaliyyəti ilə bağlı məlumat paylaşılıb.
Açıqlamada Ukraynadakı elementlərə pilotsuz uçuş aparatlarından (PUA) istifadə edilməklə yüksək dəqiqliklə hava zərbələri endirildiyi və bu hücumlarda hərbi hava limanının infrastrukturu, sursat anbarları, PUA istehsal, saxlama və idarəetmə mərkəzləri, dəniz nəqliyyat vasitələrinin yerləşdirildiyi məntəqələr, Ukrayna əsgərləri və xarici muzdluların müvəqqəti göndərildiyi nöqtələr qeyd edilib.
Bəyanatda Rusiya qüvvələrinin son bir həftədə Donetsk vilayətində dörd yaşayış məntəqəsini nəzarətə götürdüyünə dair məlumatlar yer alır və əlavə edilir ki, “Donetsk Xalq Respublikasının Andreyevka, Skudnoye, Burlatskoye, Privolnoye qəsəbələri azad edilib”. ifadəsindən istifadə edilmişdir.
Həmin dövrdə 673 Ukrayna PUA-nın hava hücumundan müdafiə sistemləri tərəfindən vurulduğu, 35 Ukrayna əsgərinin əsir götürüldüyü bildirilib.
Açıqlamada deyilir ki, müharibə başlayandan indiyədək 656 təyyarə, 283 helikopter, 45 471 İHA, 600 hava hücumundan müdafiə raket sistemi, 22 mindən çox tank və zirehli texnika, 1523 reaktiv yaylım atəşi sistemi, 22 333 haubitsa və minaatan, Ukrayna ordusuna aid 732 xüsusi texnika məhv edilib.
Nazirliyin açıqlamasında o da qeyd olunub ki, Ukrayna ordusu 2024-cü ilin avqust ayından indiyədək Kursk istiqamətində 65 min 400-ə yaxın əsgər, 386 tank, 296 piyada döyüş maşını, 257 zirehli transportyor və 2328 zirehli texnika itirib.
Nuranə Məmmədova
