Misirin xarici işlər naziri Bədr Əbdüləti ölkəsinin fələstinliləri köçürmədən Qəzza zolağının yenidən qurulması üçün Avropa və beynəlxalq ictimaiyyətdən dəstək gözlədiyini açıqlayıb.
Elchi.az xəbər verir ki, Misir Xarici İşlər Nazirliyindən verilən yazılı açıqlamada, nazir Abdulati ilə fransalı həmkarı Jan-Noel Barrot arasında telefon danışığı olduğu bildirilib.
Abdulati və Barrot iki ölkə arasındakı əlaqələri müzakirə edib, həmçinin regional hadisələri müzakirə ediblər.
Abdulati, Fransanın Avropa Birliyi daxilində Misirə verdiyi dəstəyi təqdir etdiklərini və 4 milyard avroluq Avropa maliyyə paketinin ikinci tranşının Misirə verilməsi ilə bağlı qərarın qəbul edilməsini gözlədiklərini bildirib.
Qəzza zolağında baş verən hadisələrə və ərəb ölkələrinin Misirin bu istiqamətdəki səylərinə verdiyi dəstəyə diqqət çəkən Əbdüləti, “Beynəlxalq ictimaiyyət və Avropa Birliyi ölkələrinin, o cümlədən Fransanın Misirin bu istiqamətdəki səylərini dəstəkləyəcəyinə” ümid etdiyini vurğuladı.
Açıqlamada Misirin fələstinliləri öz torpaqlarından didərgin salmadan Qəzzanın bərpası və yenidən qurulmasına dair hərtərəfli planına işarə edilib və Fransa xarici işlər naziri Barrotun da Misirin planını müsbət qarşıladığı bildirilib.
Şayəstə Hüseynova
