İsrail ordusunun Qəzza zolağının şimalında həyata keçirdiyi hücumlarda aralarında qadın və uşaqların da olduğu 26 fələstinli həyatını itirib.
Elchi.az xəbər verir ki, Qəzza zolağının şimalındakı xəstəxana mənbələrindən alınan məlumata görə , İsrail döyüş təyyarələrinin Beyt Lahiyadakı bir evə hücumu nəticəsində aralarında qadın və uşaqların da olduğu 18 nəfər ölüb.
İsrail ordusunun Şeyx Zayed bölgəsindəki evləri artilleriya atəşinə tutması nəticəsində 3 fələstinli ölüb, çoxlu sayda insan yaralanıb.
Yenə Qəzza zolağının mərkəzi hissəsindəki Nusayrat Qaçqınlar Düşərgəsinə hava hücumu nəticəsində 5 fələstinli həlak olub.
İsrailin 7 oktyabrdan bəri Qəzza zolağında həyata keçirdiyi hücumlarda təxminən 17 min 492-si uşaq, 11 min 979-u qadın olmaqla 44 min 330 fələstinli ölüb, 104 min 933 nəfər yaralanıb.
Nuranə Məmmədova
