İran prezidenti Məsud Pezeşkian və Küveyt əmiri Şeyx Məşəl əl-Əhməd Əl-Cabir Əl-Sabah ikitərəfli münasibətləri və regional məsələləri müzakirə ediblər.
Elchi.az xəbər verir ki, İran hökumətindən verilən yazılı açıqlamaya görə, Pezeşkian Küveyt əmiri Sabah ilə telefon danışığı aparıb.
Pezeşkiyan Küveyt əmirini bayramı münasibətilə təbrik edib, İslam ölkələrinin birlik və həmrəyliyinin güclənməsini arzuladığını, qonşuluq münasibətlərinin möhkəmlənməsinə böyük önəm verdiklərini bildirib.
İslam ölkələri ilə qardaşlıq əlaqələrini gücləndirdiklərini ifadə edən Pezeşkiyan Küveyt və digər qonşu dövlətlərlə müxtəlif sahələrdə əlaqələrin genişləndirilməsi üçün hər cür əməkdaşlığa hazır olduqlarını bildirib.
Küveyt əmiri Sabah da Pezeşkianı bayram münasibətilə təbrik edərək, iki ölkə arasında dostluq münasibətlərinə önəm verdiklərini və ölkəsinin İranla əlaqələri genişləndirmək arzusunda olduqlarını bildirib.
Ölkəsinin regional və beynəlxalq gərginliyin güc tətbiq etmədən dialoq yolu ilə həllini dəstəklədiyini bildirən Sabah, “Ölkə konstitusiyasına əsasən, Küveyt hökuməti və xalqı öz ərazisindən başqa bir ölkəyə qarşı hər hansı təcavüz aktını əsla qəbul etməyəcək və bu münasibət heç bir faktorun təsiri altında dəyişməyəcək”. ifadələrdən istifadə etdi.
