Finlandiya ilə Almaniya arasında yeganə telekommunikasiya kabeli C-Lion1 kəsilib.
Elchi.az xəbər verir ki, bu barədə Finlandiyanın “İlta-Sanomat” qəzeti məlumat yayıb.
“Təmir işlərinə başlanılıb və gəmi əraziyə göndərilməyə hazırdır. Dəqiq təmir vaxtı hələ məlum deyil, lakin adətən dəniz kabelləri üçün təmir müddəti 5-15 gündür”, – nəşrdə qeyd olunur.
Hazırda dəymiş ziyanın səbəbi məlum deyil. Nəşr həmçinin mənbələrə istinadən qeyd edir ki, Finlandiya hakimiyyəti hələlik rəsmi şərh verməyə hazır deyil və hər hansı nəticə çıxarmaq üçün baş verənlər barədə məlumat toplamaq məqsədi daşıyır.
2023-cü il oktyabrın 8-də Finlandiya və Estoniyanı birləşdirən Balticconnector qaz kəmərinin zədələndiyi məlum olub . Finlandiya hakimiyyət orqanları araşdırmanın nəticələrinə görə baş verənlərin əsas versiyasını müəyyən edə bildiklərini bildiriblər. Qaz kəmərinin zədələndiyi yerdə tapılan lövbərin sınağı çox güman ki, onun əsas şübhəli sayılan Çin gəmisi Newnew Polar Bear olduğunu müəyyən edib. Daha sonra Pekin hadisəyə görə məsuliyyəti boynuna alıb və zərərin təsadüfi olduğunu bildirib.
Nuranə Məmmədova
