Birləşmiş Millətlər Təşkilatının (BMT) analitikləri 2025-ci ildə qlobal iqtisadi artımın 2,8 faiz olacağını proqnozlaşdırırlar.
Elchi.az xəbər verir ki, bu barədə “Dünya İqtisadi Vəziyyəti və Perspektivlər 2025” (WESP 2025) adlı ekspert hesabatında bildirilir.
Eyni zamanda, 2025-ci ildə qlobal ÜDM-in artım tempi, ekspertlərin gözləntilərinə görə, 2024-cü ildə qeydə alınan dinamika ilə eyni olacaq. 2026-cı ildə qlobal iqtisadiyyatın perspektivlərinə gəlincə, analitiklər bu müddət ərzində onun artımının 2,9 faizə qədər sürətlənəcəyini proqnozlaşdırırlar. Eyni zamanda, BMT-nin fikrincə, yaxın gələcəkdə qlobal ÜDM-in artım templərinin sürətli bərpasını gözləməyin mənası yoxdur.
2025 və 2026-cı illərdə artım pandemiyadan əvvəlki 3,2 faizlik orta artımdan nəzərəçarpacaq dərəcədə geri qalmağa davam edəcək. Buna zəif investisiya artımı, yavaş məhsuldarlıq artımı və yüksək borc yükü daxil olmaqla bir sıra amillər səbəb olacaq. Bundan əlavə, vəziyyətə geosiyasi risklər, ticarət müharibələri təhdidləri və kredit öhdəliklərinə xidmət xərclərinin artması təsir etməkdə davam edəcək, BMT-nin hesabatı yekunlaşır.
Beynəlxalq Valyuta Fondunun (BVF) rəsmi nümayəndəsi Culi Kozakın sözlərinə görə, ortamüddətli perspektivdə qlobal iqtisadiyyat üçün digər təhlükə ABŞ-ın artan dövlət borcu problemi olacaq.
Bunun fonunda o, ABŞ hakimiyyətini borc öhdəliklərinin həcmini və büdcə kəsirini azaltmaq üçün təcili olaraq konkret tədbirlər görməyə çağırıb. Buna baxmayaraq, Amerikanın milli borcu durmadan artmaqda davam edir və hazırda 36,3 trilyon dollardan çoxdur.
Yeganə
