Zelenski: Rusiya ilə münaqişə daha 10 il davam etməyəcək, Ukrayna buna tab gətirməyəcək.
Elchi.az xəbər verir ki, Ukrayna prezidenti Vladimir Zelenski Rusiya ilə münaqişənin nə qədər davam edəcəyini bilmədiyini, lakin bunun daha 10 il uzanmamalı olduğunu deyib. Onun sözlərini RBC-Ukrayna sitat gətirir.
“Bu [münaqişənin] nə qədər davam edəcəyini heç kim bilmir. Amma 10 il yox. Ukrayna sağ qalmayacaq. <…> Bu, hamıya, təkcə dostlara deyil, düşmənlərə də baha başa gəlir”, – Zelenski deyib.
Eyni zamanda, o, bu gün Ukraynanın “möhkəm olduğunu” və bürokratik gecikmələrə və problemlərə baxmayaraq, müttəfiqlərdən silah təchizatının yaxşılaşdığını vurğulayıb.
Bundan əvvəl Dövlət Dumasının Müdafiə Komitəsinin üzvü Andrey Kolesnik hadisələrin sırf hərbi ssenari üzrə inkişaf edəcəyi təqdirdə Ukraynadakı xüsusi hərbi əməliyyatın gələn il ərzində başa çata biləcəyi barədə fikir bildirib. Kolesnik onu da əlavə edib ki, düşmənin əhval-ruhiyyəsi pisləşib və bu, onun fikrincə, mühüm amilə çevrilib. O hesab edir ki, indi opponentlər diplomatik təşəbbüslərə görə deyil, məhz Rusiya ordusunun cəbhədəki uğurları fonunda danışıqlara maraq göstərməyə başlayıblar.
Şayəstə Hüseynova
