ABŞ prezidenti Donald Tramp ölkəsinin yenidən Ümumdünya Səhiyyə Təşkilatına (ÜST) üzv ola biləcəyinə işarə edib.
Elchi.az xəbər verir ki, Las-Veqasda qatıldığı mitinqdə çıxış edən Tramp rəsmi vəzifəsinin ilk günündə imzaladığı fərmanla geri çəkildiyi ÜST-ə “ABŞ yenidən qayıda bilər” açıqlamalarını verib.
“Mən ÜST-dən çıxdım, biz orada ildə 500 milyon dollar ödəyirdik və Çin daha çox əhalisinə baxmayaraq, 39 milyon dollar ödəyirdi, amma bəlkə yenidən üzv olmağı düşünə bilərik” dedi Tramp. Afrika İttifaqı Komissiyasının sədri Musa Faki Mahamat Trampı yanvarın 22-də ÜST-dən çıxmaq qərarına yenidən baxmağa çağırıb.
Trampın ÜST-dən çıxmaq qərarı
ABŞ prezidenti Tramp vəzifəyə gəldikdən dərhal sonra ABŞ-ın Birləşmiş Millətlər Təşkilatının (BMT) ÜST-dən çıxmasını nəzərdə tutan prezident fərmanını imzalayıb. Fərmanın mətnində ABŞ-ın geri çəkilməsinin səbəbləri kimi “təşkilatın Çinin Wuhan şəhəri və digər qlobal sağlamlıq böhranları nəticəsində yaranan COVID-19 epidemiyasını düzgün idarə etməməsi, təcili ehtiyac duyulan islahatları qəbul etməməsi və ÜST-nin üzv dövlətlərin yersiz siyasi təsirinə qarşı müstəqilliyini qoruyub saxlamalıdır”.
Mətndə həmçinin qeyd olunub ki, ÜST ABŞ-dan “haqsız yerə ağır ödənişlər tələb etməyə davam edir”.
Yeganə
